Habari kubwa za Magazeti ya Tanzania leo Julai 2,2024

DAR ES SALAAM-Shirika la Reli Tanzania (TRC) limeongeza safari za treni ya reli ya kisasa (SGR) kati ya Dar es Salaam na Morogoro ambapo kuanzia Julai 5, abiria wataanza kutumia treni ya haraka (express) isiyosimama vituo vya kati.

Hayo ni kwa mujibu wa taarifa iliyotolewa Julai Mosi,2024 na Mkuu wa Kitengo cha Mawasiliano Serikalini kupitia TRC, Jamila Mbarouk ambayo imeeleza, TRC itaendelea kuongeza safari za kwenda na kutoka Dar es Salaam na Morogoro.