DODOMA-Naibu Katibu Mkuu wa Wizara ya Fedha, Elijah Mwandumbya kupitia mahojiano aliyofanya na Hazina TV hivi karibuni amebainisha kwa kina kuhusu maana ya Mwaka wa Fedha wa Serikali.
"Mwaka wa Fedha wa Serikali unaanza tarehe moja mwezi wa saba ya kila mwaka hadi tarehe 30 ya mwezi wa sita ya mwaka unaofuatia."
Amesema, katika mwaka wa fedha ambao ulifikia tamati karibuni Serikali ilirekodi mafanikio makubwa ikiwemo makusanyo na maboresho ya upelekaji wa fedha katika miradi ya maendeleo.