DAR-"Wizara hii ndiyo kitovu au kiungo cha Serikali upande wa kuziwezesha taasisi na wizara mbalimbali ziweze kutimiza majukumu yao, na tumeona kwamba wizara (Wizara ya Fedha) imepiga hatua kubwa sana kwenye kuhakikisha kwamba ile elimu kwa umma kwa upande wa usimamizi wa Bajeti ya Serikali na huduma mbalimbali zinazotolewa na idara zetu na taasisi zilizo chini ya Wizara ya Fedha hususani vyuo mbalimbali, benki.
"Lakini pia na taasisi za micro-finances zinatimiza ule ukamilifu wa Wizara ya Fedha,"amebainisha Naibu Katibu Mkuu Wizara ya Fedha, Bw. Elijah Mwandumbya katika mahojiano na Hazina TV akizungumzia kuhusu hali ya uchumi wa nchi na majukumu ya Wizara ya Fedha.