DAR-Katibu Mtendaji wa Baraza la Taifa la Biashara (TNBC), Dkt. Godwill Wanga amesema, Wizara ya Fedha ni kiungo muhimu katika uchumi wa Tanzania.
"Kwanza,neno lenyewe tu Fedha. Fedha ndiyo chanzo cha ukuaji wa uchumi, hakuna miradi inayoweza kufanyika au biashara bila Fedha, kwa hiyo Wizara ya Fedha ni muhimu sana katika uchumi wowote. Lakini, pia Wizara ya Fedha ndiyo inayosimamia Benki Kuu, ndiyo pia inasimamia taasisi mbalimbali;
Ameyasema hayo kupitia Hazina TV katika mahojiano ambayo yameendeshwa na Mkuu wa Kitengo cha Mawasiliano Serikalini, Benny Mwaipaja alipotembelea Banda la Wizara ya Fedha.
Ni katika Maonesho ya 48 ya Biashara ya Kimataifa (Sabasaba) yanayofanyika katika viwanja vya Julius Nyerere Barabara ya Kilwa, Temeke jijini Dar es Salaam.