Magazeti leo Julai 10,2024

DAR-Msajili wa Vyama Vya Siasa nchini, Jaji Francis Mutungi amevitaka vyama vya siasa nchini kuepuka migogoro ambayo imekuwa ikijitokeza kwenye vyama hivyo, kwani inaweza kusababisha kuleta mifarakano katika taifa na jamii kwa ujumla.

Jaji Mutungi ameyasema hayo Julai 9,2024 jijini Dar es Salaam wakati akifungua mafunzo ya siku mbili kwa viongozi wa vyama vya siasa nchini yakiwa na lengo la kuwajengea uwezo juu ya mabadiliko ya mfumo wa uendeshaji wa vyama hivyo, pamoja na namna ya kuhimili migogoro inayotokea baina ya wenyewe kwa wenyewe pasipo kufikishana ngazi za juu.