TANGA-Jeshi la Polisi Mkoa wa Tanga limesema linamshikilia Kada wa Chama cha Demokrasia na Maendeleo (CHADEMA) Wilaya ya Handeni mkoani Tanga, Kombo Twaha Mbwana (29) kwa tuhuma za makosa ya matumizi mabaya ya mitandao ya kijamii.
Kaimu Kamanda wa Polisi Mkoa wa Tanga, Zacharia Bernard ametoa taarifa hiyo Julai 14,2024.
"Jeshi la Polisi linamshikilia Kombo Twaha Mbwana (29) mkazi wa Kwamsala Wilaya ya Handeni mkoani Tanga kwa tuhuma za makosa ya matumizi mabaya ya mitandao ya kijamii ambayo ameyatenda katika mikoa mbalimbali hapa nchini.
“Mtuhumiwa huyo amekuwa akitumia vifaa vya kielektroniki pamoja na laini za simu za mitandao mbalimbali zisizo na usajili wake katika kutekeleza uhalifu huo kinyume cha sheria za nchi, upelelezi wa matukio hayo umefikia hatua nzuri na wakati wowote mtuhumiwa atafikishwa mahakamani."
Tags
Kurasa za Magazeti
Kurasa za Mbele na Nyuma za Magazeti
Magazeti
Magazeti ya Leo
Magazetini
Magazetini leo
Yaliyojiri Magazetini Leo