PWANI-Naibu Waziri wa Nchi Ofisi ya Rais Menejimenti ya Utumishi wa Umma na Utawala Bora ambaye pia ni Mbunge wa Chalinze,Mhe. Ridhiwani Kikwete amesema, Serikali ya Awamu ya Sita inayathamini makundi mbalimbali nchini ikiwemo wanawake wajasiriamali.
Mheshimiwa Ridhiwani ameyasema hayo baada ya kukutana na kundi la wanawake wanaofanya biashara ya kuuza vyakula.
"Katika kutekeleza majukumu yeyote, kundi muhimu ni hili la hawa tunaowatumikia. Serikali ya Awamu ya Sita chini ya Rais Dkt.Samia Suluhu Hassan imewezesha sio tu mazingira ya kufanya biashara, lakini pia kuwajengea maeneo mazuri ya kufanya biashara, mikopo ya asilimia 10 na ile inayotolewa na halmashauri.
"Halmashauri ya Chalinze imekopesha zaidi ya shilingi milioni 850, zimetolewa kwa wakina mama wanaofanya biashara katika halmashauri hii,"amesisitiza Mheshimiwa Ridhiwani.