DAR-Halmashauri ya Manispaa ya Temeke mkoani Dar es Salaam ambayo ni mshindi wa kwanza na wa jumla kwenye utoaji taarifa kwenye Sekretarieti za Mikoa na Mamlaka za Serikali za Mitaa, imenunua vitendea kazi vya shilingi milioni 78 kwa ajili ya Kitengo cha Mawasiliano Serikalini.
Akizungumza wakati wa kukabidhi vifaa hivyo, Mkurugenzi wa Halmashauri hiyo, Bw. Elihuruma Mabeyla amesema, kwa kutambua mchango wa Kitengo cha Habari Serikilini na kazi kubwa wanayoifanya Manispaa ya Temeke imefanya manunuzi ya vitendea kazi vya kisasa vyenye thamani ya shilingi milioni 78 kwa ajili ya maafisa habari wao.
"Temeke tumekuwa wa kwanza na tunataka kuendelea kubaki kwenye nafasi hii, hivyo vifaa hivi ni mbinu bora ya kujipanga kuendelea kutoa taarifa bora, sahihi na kwa wakati ili tuendelee kushikilia nafasi yetu na kuhabarisha umma kazi kubwa inayofanywa na Rais wetu Mhe. Dkt.Samia Suluhu Hassan."