DAR-Makamu Mwenyekiti wa Chama cha Demokrasia na Maendeleo (CHADEMA) Tanzania Bara, Mheshimiwa Tundu Lissu amesema, nia ya kugombea urais mwaka 2025 iko pale pale.
Lissu ameyasema hayo leo Julai 26,2024 alipowasili Uwanja wa Ndege wa Kimataifa wa Julius Nyerere (JNIA) jijini Dar es Salaam akitokea nchini Ubelgiji.
"Nilipokuwa ninamkabili Magufuli (Hayati Dkt.Jonh Pombe Joseph Magufuli) nilikuwa na miaka 52,mwaka ujao nitakuwa na miaka 57. Kwa hiyo haiwezi nikawa nina nguvu zile zile za miaka 52, lakini nguvu ya hoja.
...nguvu ya hoja na msimamo wa kisiasa na uaminifu kwa Watanzania bado uko pale pale, kama tuliweza kumkabili Magufuli nia iko pale pale, nitaitikia wito wa Watanzania na nitaitikia wito wa chama changu,"amesisitiza Mheshimiwa Lissu.