ZANZIBAR-Waziri wa Mambo ya Nje na Ushirikiano wa Afrika Mashariki Mhe. January Makamba (Mb) ameongoza Mkutano wa faragha wa Mawaziri wa Mambo ya Nje na Mawaziri wanaoshughulikia masuala ya Afrika Mashariki katika Jumuiya ya Afrika Mashariki unaofanyika Zanzibar.
![](https://blogger.googleusercontent.com/img/b/R29vZ2xl/AVvXsEh8AXFUNoCoqKeWb3ld7hALPmUlMxx9UJ92tJ2XKmgd1To-SWvZD9HVLzGFd0ffvzlEgteAKEWoXjUonrVk3M5rSbLZfUN37LzFCm0FmqbDtgGvogVDUdZ1YxEHw1DwIiLv7bfDVpMpT2ynNKm6GvOlbf9WRT1CUexbQaNB20XyOghXh1HXCt27Zl52MDw/s16000/IMG-20240706-WA0272.jpg)
![](https://blogger.googleusercontent.com/img/b/R29vZ2xl/AVvXsEjA3i4sB-dAIhGAt2kzpiSEduaTYDzAO4AvMeEBBxsuS3qtfY1IRjCXZM8QtUeT8jixJWnDjyayZ_QaE8ycMxAW1WMsK1l8Jay0qNSZuZCBz1pRkjkOx1Mj01kXdwk8QngOlzhNJcYao1BoR07rcWvfkRY6T64oFulSNZ2g8stsQroP1C94S3vAXFXqE1w/s16000/IMG-20240706-WA0273.jpg)
Naye Waziri Mkuu na Waziri wa Mambo ya Nje wa Jamhuri ya Kenya,Mhe. Musalia Mudavadi ameipongeza Tanzania kwa kukubali kuwa mwenyeji wa mkutano huo na kuongeza kuwa ni wakati muafaka kwa nchi wanachama kuhakikisha wanatumia fursa mbalimbali ndani ya jumuiya kwa manufaa ya wananchi.
Naibu Waziri Mkuu na Waziri wa Afrika Mashariki wa Jamhuri ya Uganda Mhe. Rebecca Kadaga ameishukuru Serikali ya Tanzania kwa kuwa mwenyeji wa mkutano huo na kupongeza juhudi za kuimarisha jumuiya.
Naye Mwenyekiti wa Baraza la Mawaziri Mhe. Deng Alor Kuol amesema kufanyika kwa mkutano huo ni jambo jema hasa ikizingatiwa kuwa utaangalia masuala ya amani, usalama na mtangamano wa jumuiya ikiwa ni hatua za kuifanya jumuiya kusonga mbele.
![](https://blogger.googleusercontent.com/img/b/R29vZ2xl/AVvXsEhydFHNeGu7eddGdsKpfYT2yLs-NJrOxp_vvPW7bTLmpx_SyOQWQMwKMFz5SHCnhqGvynGH9bOorD7DyEnl8rXuMW23pxVjwrddNitxyeMZEE707RKDKV-5ilyzTV94cUMfl4zXlogVleSG83nOOXfIa1rptUSkcM3EgM_L0w0EPruH3OAeqE3cesrYa5Y/s16000/IMG-20240706-WA0270.jpg)