DCEA yashiriki mkutano wa Kimataifa wa Jumuiya ya Wataalamu wa Tiba kwa Waraibu wa Dawa za Kulevya

ARUSHA-Mamlaka ya Kudhibiti na Kupambana na Dawa za Kulevya nchini (DCEA) imeshiriki mkutano wa Jumuiya ya Wataalamu wa Tiba kwa Waraibu wa Dawa za Kulevya kwa nchi za Afrika uliofanyika jijini Arusha Agosti 21 na Agosti 22,2024.

Mkutano huo umezikutanisha nchi wanachama wa ISSUP upande wa Bara la Afrika ili kujadili masuala muhimu yanayohusu namna ya kuboresha tiba na huduma za utengamao kwa waraibu wa dawa za kulevya kwa kutumia njia sahihi na zilizothibitishwa kisayansi.

Aidha, mkutano huo umetoa fursa ya wataalam kubadilishana uzoefu, kushirikishana matokeo ya tafiti mbalimbali za tiba kwa waraibu pamoja na kutoa fursa ya mafunzo kwa wataalamu wa tiba kwa waraibu.