DAR-Klabu ya Simba SC ya jijini Dar es Salaam imethibitisha kuridhia ombi la mchezaji,Israel Mwenda kuondoka klabuni hapo baada ya nyota huyo kudai kuwa amepata timu nyingine.
Kwa mujibu wa taarifa iliyotolewa na klabu hiyo,Israel Mwenda alisaini mkataba mpya wa miaka miwili, lakini kabla ya kuanza kuutumikia, aliandika barua ya kuondoka kwa madai amepata timu sehemu nyingine ya kuichezea.
“Simba kwa kujali na kuheshimu maslahi ya mchezaji ilimpa sharti la kurejesha fedha zote na tayari amerejesha. Simba ina thamini mchango wa Israel katika miaka yote mitatu aliyodumu nasi.
“Uongozi wa klabu unamtakia kila la kheri katika maisha yake mapya ya soka.”