KILIMANJARO-Mkuu wa Wilaya ya Same mkoani Kilimanjaro,Mheshimiwa Kasilda Mgeni amelazimika kufunga jengo lililokuwa likitumika kama nyumba ya ibada maarufu Kanisa la Nabii Elia Msangi, baada ya kupata taarifa za kanisa hilo kuendeshwa kinyume na taratibu za sheria ya nchi. Pia,kudaiwa kuwepo kwa vitendo vya unyanyasaji wa kijinsia na vitendo vingine vya mmomonyoko wa maadili kanisani hapo.
Mheshimiwa Mgeni ametoa maagizo hayo wakati wa ziara yake akiwa ameambatana na Kamati ya Ulinzi na Usalama ya Wilaya walipotembelea eneo lilipo kanisa hilo Kitongoji cha Ikongwe A Kata ya Msindo na kujiridhisha taarifa za kuwepo viashiria vya matukio yasiyofaa yanayodaiwa kufanyika kwenye nyumba hiyo inayotumika kama kanisa na kubaini hakuna usajili wowote
Amesema, miongoni mwa sababu za kufunga kanisa hilo ni kuendeshwa pasipokuwa na usajili hali ambayo imepelekea kutojulikana ni dhehebu gani la dini, lakini pia hata uongozi unaosimamia kanisa hilo haujulikani mahali popote kwa kuwa kanisa halipo kwenye orodha ya taasisi za kidini zilizosajiliwa nchini.
Tags
Kurasa za Magazeti
Kurasa za Mbele na Nyuma za Magazeti
Magazeti
Magazeti ya Leo
Magazetini
Magazetini leo
Yaliyojiri Magazetini Leo