Mashujaa FC yaichapa Dodoma Jiji bao 1-0

NA DIRAMAKINI

MASHUJAA FC ya Kigoma imeanza vema Ligi Kuu ya NBC Tanzania Bara baada ya kujikusanyia alama tatu za ushindi wa bao moja.

Ni kupitia mtanange uliopigwa Agosti 17,2024 katika dimba la Lake Tanganyika mkoani Kigoma kati ya Mashujaa FC na Dodoma Jiji.

Wenyeji hao walijipatia bao hilo la kwanza kwa msimu wa 2024/25 baada ya mlinda lango wa Dodoma Jiji, Daniel Mgore kujifunga.

Ushindi huu unaipandisha Mashujaa hadi kileleni mwa msimamo wa Ligi Kuu ya NBC 2024/2025 huku Dodoma Jiji ikishuka hadi nafasi ya mwisho kwenye msimamo.

Ligi hiyo itaendelea tena Agosti 18,2024 kwa michezo miwili mchezo wa mapema saa 8:00 mchana utazikutanisha KenGold dhidi ya Singida Black Stars kwenye uwanja wa Sokoine mkoani Mbeya.

Aidha,mchezo wa pili saa 10:15 alasiri utazikutanisha Simba dhidi ya Tabora United kwenye Uwanja wa KMC uliopo Halmashauri ya Manispaa ya Kinondoni jijini Dar es salaam.