Naibu Waziri wa Uchukuzi atembelea banda la TMA maonesho ya Nanenane

DODOMA-Naibu Waziri wa Uchukuzi Mhe. David Kihenzile (MB) ametembelea banda la Mamlaka ya Hali ya Hewa Tanzania (TMA) katika kilele cha maonesho ya Nanenane 2024, Nzuguni, Dodoma.

TMA ni miongoni mwa mashirika na taasisi za umma ambazo zimeshiriki Maonesho ya Kilimo ya Kimataifa Nanenane 2024 yakiongozwa na kauli mbiu ya "Chagua Viongozi Bora wa Serikali za Mitaa kwa Maendeleo Endelevu ya Kilimo, Mifugo na Uvuvi" ambapo yalifunguliwa Agosti 1,2024.

Kupitia maonesho hayo wananchi wamepata elimu kuhusu mamlaka hiyo ikiwemo sayansi ya hali ya hewa inavyofanya kazi na umuhimu wa mamlaka katika sekta ya kilimo nchini.