New Amaan Stadium na Gombani Stadium kutumika Ligi Kuu Tanzania Bara

DAR-Afisa Mtendaji Mkuu wa Bodi ya Ligi ya Tanzania Bara (TPLB), Almas Kasongo amesema kuanzia msimu huu mpya wa mwaka 2024-2025 inaruhusiwa kwa timu za Ligi Kuu Tanzania Bara kutumia viwanja vya Zanzibar ikiwemo New Amaan Stadium Unguja na Gombani Stadium Pemba.

"Katikati ya msimu uliopita klabu ya Simba iliomba kuutumia uwanja wa New Amaan Complex, haikuwezekana kwa sababu kanuni zilikuwa haziruhusu, lakini hoja zao zilikuwa na mashiko.

"Tulikaa na Kamati Tendaji ya (TFF) tukaona haina haja ya kuzuia jambo hilo, hivyo tukafanya mabadiliko ya kanuni sasa wataruhusiwa kwa timu za Ligi kuu Tanzania Bara kutumia viwanja vya Zanzibar.

"Kanuni itaanza kutumika msimu huu 2024-2025," Almas Kasongo alipozungumza na waandishi wa habari jijini Dar es Salaam.