DAR-Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi ameshiriki hafla ya kutunuku Nishani ya Miaka 60 ya Jeshi la Wananchi Tanzania (JWTZ) ambayo imeongozwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan.
Rais Dkt. Samia amewatunuku nishani hizo akiwemo Mkuu wa Majeshi ya Ulinzi Tanzania (CDF) Jenerali Jacob John Mkunda, Majenerali, Maafisa pamoja na Askari wa Jeshi la Wananchi wa Tanzania kwenye hafla iliyofanyika Ikulu jijini Dar es Salaam leo Agosti 29, 2024.
Hafla hiyo imehudhuriwa na viongozi mbalimbali wakiwemo Marais wastaafu wa Jamhuri ya Muungano wa Tanzania na Zanzibar, viongozi wa Serikali, Vyombo vya Ulinzi na Usalama pamoja na viongozi wa Dini.