MOROGORO-Rais wa Jamhuri ya Muungano wa
Tanzania, Mhe. Dkt. Samia Suluhu Hassan amefanya uteuzi wa wenyeviti wa bodi mbalimbali.
Kwa mujibu wa taarifailiyotolewa na Katibu Mkuu Kiongozi Balozi Dkt. Moses Kusiluka, walioteuliwa ni kama ifuatavyo:-
(i) Prof. Faustin Rweshabura Kamuzora ameteuliwa kuwa Mwenyekiti wa Bodi ya
Wakurugenzi ya Kampuni ya Uwekezaji ya UTT-AMIS.
Prof.Kamuzora ni Katibu Tawala wa Mkoa Mstaafu,anachukua nafasi ya Bw.Casmir Kyuki ambaye amemaliza muda wake;
(ii) Prof. Joseph Andrew Kuzilwa ameteuliwa kuwa Mwenyekiti wa Baraza laUongozi wa Chuo cha Mipango ya Maendeleo Vijijini (IRDP).
Prof. Kuzilwani Profesa Mstaafu, Chuo Kikuu
cha Mzumbe; na
(iii) Prof. Ahmed Mohamed Ame ameteuliwa kuwa Mwenyekiti wa Bodi ya Chuo cha Takwimu Mashariki mwa Afrika (EASTC) kwa
kipindi cha pili.Uteuzi huu umeanza Agosti 4,2024.