MARA-Mkuu wa Mkoa wa Mara, Kanali Evans Alfred Mtambi ametoa wiki sita kwa Mkurugenzi wa Halmashauri ya Wilaya ya Serengeti kukamilisha bweni la wanafunzi wa kidato cha tano.
Ni katika Shule ya Sekondari Ngoreme lilojengwa kwa nguvu za wananchi na wanafunzi waliosoma katika shule hiyo.
Mtambi ametoa kauli hiyo alipofanya ziara wilayani Serengeti mkoani humo ambapo shule hiyo tayari imepangiwa wanafunzi.
Kutokana na changamoto hiyo, kwa sasa wanafunzi wanalazimika kulala kwenye madarasa mawili,hivyo kumlazimu kuagiza kukamilisha Bweni hilo ili lianze kutumika.
Bweni hilo la wanafunzi wa kidato cha tano lilijengwa na kuwekewa jiwe la msingi mwaka 2017 kwa gharama ya shilingi milioni 78.