DAR-Rais wa Jamhuri ya Muungano wa Tanzania,Mheshimiwa Dkt.Samia Suluhu Hassan ameongea na Wanasimba moja kwa moja.
Ni baada ya Agosti 3,2024 kumpigia simu Katibu Mkuu wa Wizara ya Sanaa,Utamaduni na Michezo, Gerson Msigwa akiwa ndani ya Uwanja wa Benjamin Mkapa uliopo Halmashauri ya Manispaa ya Temeke jijini Dar es Salaam.
Aidha,Rais Dkt.Samia amewapongeza Simba SC kwa kuendelea kulifanya Tamasha la Simba Day kuwa bora kila mwaka.
“Hongereni sana Wanasimba kwa Tamasha bora la Simba Day. Mwaka jana tulikuwa wote,lakini leo imeshindikana kutokana na ratiba kuwa ngumu nimeshindwa kuwa hapo.
“Nafahamu msimu uliopita hamkuwa bora sana, lakini yaliyopita si ndwele, nyanyukeni songeni mbele,” amesema Dkt. Samia