Waziri Mkuu amwakilisha Rais Dkt.Samia katika msiba wa Mke wa Mnadhimu Mkuu wa Jeshi

LINDI-Waziri Mkuu Kassim Majaliwa leo Agosti 24, 2024 amehani msiba wa Jokha Hassan Omary ambaye ni Mke wa Mnadhimu Mkuu wa Jeshi la Wananchi wa Tanzania, Luteni Jenerali Salum Haji Othman, Nachingwea mkoani Lindi.

Akizungumza kwa niaba ya Rais Dkt. Samia Suluhu Hassan, Mheshimiwa Majaliwa amesema kuwa, Rais Dkt. Samia anatoa pole kwa wanafamilia, ndugu, jamaa na waombolezaji wote kutokana na msiba huo.

“Rais Dkt. Samia anatoa rai kwa waombolezaji wote kuendelea kuiombea familia hii katika kipindi hiki cha huzuni”.