Waziri Mkuu atoa rai kwa Watanzania

ZANZIBAR-Waziri Mkuu, Kassim Majaliwa jana Agosti 21, 2024 alikuwa mgeni rasmi katika Tamasha la Kizimkazi lililolenga kukuza Utalii Zanzibar, ambalo lilifanyika katika uwanja wa Shekha Dimbani, Zanzibar.

Akizungumza katika tamasha hilo Mheshimiwa Majaliwa aliwasihi Watanzania waendelee kushirikiana, kuimarisha utamaduni na kujenga taifa lenye maendeleo na umoja.

Aidha, amewapongeza Rais wa Jamhuri ya Muungano wa Tanzania,Mheshimiwa Dkt.Samia Suluhu Hassan na Rais wa Zanzibar na Mwenyekiti wa Baraza la Mapinduzi,Mheshimiwa Dkt.Hussein Ali Mwinyi kwa juhudi kubwa za kukuza utalii nchini.