Waziri Silaa atoa maagizo TCRA

ZANZIBAR-Waziri wa Habari, Mawasiliano na Teknolojia ya Habari, Mhe. Jerry William Silaa (Mb), amesema kuwa ujenzi wa jengo jipya la ofisi za Mamlaka ya Mawasiliano Tanzania (TCRA) Zanzibar lazima ukamilike kwa wakati bila kuathiri ubora.

Mkurugenzi Mkuu wa Mamlaka ya Mawasiliano Tanzania (TCRA), Dkt. Jabiri Kuwe Bakari akifafanua jambo kwa Waziri wa Habari, Mawasiliano na Teknolojia ya Habari, Mhe. Jerry William Silaa (Mb) alipotembelea ofisi za mamlaka hiyo jijini Zanzibar leo Agosti 19,2024.

Waziri Silaa ameeleza hayo leo Agosti 19, 2024 wakati alipotembelea ofisi zilizopo jijini Zanzibar na mradi wa ujenzi wa jengo jipya.

Mkurugenzi Mkuu wa Mamlaka ya Mawasiliano Tanzania (TCRA), Dkt. Jabiri Kuwe Bakari akimkaribisha Waziri wa Habari, Mawasiliano na Teknolojia ya Habari, Mhe. Jerry William Silaa (Mb) alipotembelea ofisi za mamlaka hiyo jijini Zanzibar leo Agosti 19,2024.

“Kwa kuwa mradi huu unatekelezwa chini ya Serikali ya Awamu ya Sita ya Rais Samia Suluhu Hassan, mafanikio yake yatakuwa ni mafanikio makubwa kwa Rais.

"Katika taarifa zenu, sijaona eneo lolote ambapo Serikali imekwamisha mradi. Hivyo, sisi watendaji tuliokabidhiwa majukumu haya, tunawajibika kusimamia mradi kwa ubunifu ili kuhakikisha unakamilika kwa wakati na ubora, bila kuvunja mikataba iliyosainiwa.

“Tunataka baada ya muda uliopangwa, tukija hapa tuone kwamba jengo la ofisi ya TCRA Zanzibar limemalizika na wananchi wameanza kupata huduma,”amesisitiza Waziri Silaa.

Waziri wa Habari, Mawasiliano na Teknolojia ya Habari, Mhe. Jerry William Silaa (Mb) akiwa na Mkurugenzi Mkuu wa Mamlaka ya Mawasiliano Tanzania (TCRA), Dkt. Jabiri Kuwe Bakari alipotembelea mradi wa ujenzi wa jengo jipya la mamlaka hiyo jijini Zanzibar leo Agosti 19,2024.

Waziri wa Habari, Mawasiliano na Teknolojia ya Habari, Mhe. Jerry William Silaa (Mb) akiwa katika picha ya pamoja na baadhi ya watumishi wa Mamlaka ya Mawasiliano Tanzania (TCRA) leo Agosti 19,2024 jijini Zanzibar.

Waziri Silaa pia alimemwagiza Mkurugenzi Mkuu wa Mamlaka ya Mawasiliano Tanzania (TCRA) Dkt. Jabiri Bakari, kuongeza juhudi ili ujenzi wa jengo hilo uweze kukidhi matarajio.