MTWARA-Aliyekuwa Mkuu wa Wilaya ya Mtwara, Mhe. Mwanahamisi Munkunda, Septemba 5,2024 amekabidhi Ofisi ya Mkuu wa Wilaya ya Mtwara kwa Mkuu wa wilaya mpya, Mhe.Abdallah Mwaipaya.
Makabidhiano hayo yamefanyika kufuatia mabadiliko ya viongozi mbalimbali hapa nchini yaliyofanywa Septemba 3,2024 na Rais wa Jamhuri ya Muungano wa Tanzania, Mhe.Dkt.Samia Suluhu Hassan.
Hafla ya makabidhiano imefanyika katika Viwanja vya Ofisi ya Mkuu wa Wilaya ya Mtwara yakishuhudiwa na Kamati ya Ulinzi na Usalama ya Wilaya,
Viongozi mbalimbali wa dini na siasa, watumishi kutoka taasisi mbalimbali pamoja na wananchi.
Mhe.Mwanahamisi Munkunda kwa sasa ni Mkuu wa Wilaya ya Mwanga mkoani Kilimanjaro.