NA DIRAMAKINI
MABAO 2-0 yametosha kuwawezesha mabingwa watetezi wa Ligi Kuu ya Zanzibar, JKU FC kutwaa Ngao ya Jamii kuelekea Msimu wa Ligi Kuu ya Zanzibar 2024|2025.
JKU FC wamepata ushindi huo leo Septemba 1,2024 baada ya kuichakaza Chipukizi FC ndani ya dimba la New Amaan Complex jijini Zanzibar.
Dakika ya 9, Ahmed Khamis wa JKU FC alifungua pazia la mabao kwa bao safi ambalo lilidumu hadi kipindi cha kwanza kinahitimika.
Aidha,dakika ya 82, Koffi Hamza alifunga hesabu kwa JKU FC baada ya kuweka nyavuni bao lingine ambalo lilidumu hadi dakika 90 za mchezo.