Mndolwa amuonesha Waziri wa Fedha ramani ya jiografia Bonde la Umwagiliaji la Ulemo,Zingiligi hadi Mbelekese

SINGIDA-Mkurugenzi Mkuu wa Tume ya Taifa ya Umwagiliaji (NIRC), Raymond Mndolwa leo Septemba 7,2024 amemuonesha Waziri wa Fedha, Mheshimiwa Dkt.Mwigulu Nchemba (Mb) ramani ya jiografia ya bonde la umwagiliaji Ulemo-Zinziligi-Mbelekese lililopo katika Halmashauri ya Wilaya ya Iramba mkoani Singida.

Aidha,Mndolwa amewaelekeza wataalamu wa tume kufanya upembuzi yakinifu kwa ajili ya kupata sehemu ya kujenga bwawa, uchimbaji wa visima pamoja na miundombinu ya umwagiliaji ili kumwagilia bonde hilo lenye ukubwa wa hekta 43,000 kwa ajili ya kunufaisha wakazi wa kata sita za Ulemo, Ndago, Mbelekese, Mukulu, Kaselya na Kiengege.