Ofisi ya Mwanasheria Mkuu wa Serikali yaendesha semina kwa kamati za Bunge

DODOMA-Ofisi ya Mwanasheria Mkuu wa Serikali imeendesha Semina kwa Kamati ya Kudumu ya Bunge Utawala, Katiba na Sheria, pamoja na Kamati ya Kudumu ya Bunge ya Sheria Ndogo.

Semina hiyo iliambatana na Mawasilisho mawili ambapo mada kuhusu Mwongozo wa Uandishi wa Sheria wa Mwaka 2023 na Mambo Mbalimbali ya Kuzingatia wakati wa kuhakiki Muswada wa Sheria Ndogo ziliwasilishwa.Semina hiyo imefanyika leo Septemba 5, 2024 jijini Dodoma.