NA DIRAMAKINI
RAIS wa Jamhuri ya Muungano wa Tanzania, Dkt.Samia Suluhu Hassan amefanya uteuzi wa wenyeviti wa bodi mbalimbali.
Kwa mujibu wa taarifa iliyotolewa Septemba 25, 2024 na Kaimu Mkurugenzi wa Mawasiliano ya Rais Ikulu, Bi.Sharifa Nyanga, Mheshimiwa Rais amemteua David Chimbi kuwa Mwenyekiti wa Bodi ya Shirika la Mawasiliano Tanzania (TTCL) na Balozi Dkt. Aziz Ponary Mlima kuwa Mwenyekiti wa Bodi ya Kampuni ya Ranchi za Taifa (NARCO).
Pia, Mheshimiwa Rais Dkt.Samia amemteua Balozi Meja Jenerali Mstaafu Gaudence Salim Milanzi kuwa Mwenyekiti wa Bodi ya Shirika la Posta Tanzania, Balozi Valentino Longino Mowola kuwa Mwenyekiti wa Bodi ya Mfuko wa Mawasiliano (UCSAF).
Wengine ni Kanali Mstaafu Joseph Leon Simbakalia kuwa Mwenyekiti wa Bodi ya Taasisi ya Uhandisi na Usanifu wa Mitambo (TEMDO) na Prof. Neema Mori kuwa Mwenyekiti wa Bodi ya Shirika la Ndege Tanzania (ATCL) kwa kipindi cha pili.
