RUVUMA-Waziri wa Utamaduni, Sanaa na Michezo, Mhe. Dkt. Damas Ndumbaro leo Septemba 21, ameongoza washiriki wa Tamasha la Tatu la Utamaduni la Kitaifa mkoani Ruvuma katika matembezi ya maalum ya Songea Joging Club ikiwa ni shamrashamra za tamasha hilo.
Akizungumza baada ya matembezi hayo, Mhe. Ndumbaro amesema kuwa mbio hizo ni katika kutekeleza maagizo ya Rais wa Jamhuri ya Muungano wa Tanzania Mhe Dkt. Samia Suluhu Hassan ya kufanya mazoezi ili kuimarisha afya na kujikinga na magonjwa yasiyoambukiza.