Waziri Ridhiwani Kikwete awapa neno viongozi wa CWT

DODOMA-Waziri wa Nchi, Ofisi ya Waziri Mkuu - Kazi, Vijana, Ajira na Wenye Ulemavu, Mhe. Ridhiwani Kikwete amekutana na kuzungumza na Viongozi wa Chama cha Walimu Tanzania (CWT), walipomtembelea jijini Dodoma leo Septemba 2, 2024.

Viongozi hao wa CWT walitumia fursa hiyo kujitambulisha na kumpongeza kwa kuteuliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan kuhudumu katika wizara hiyo.

Aidha, Mhe. Ridhiwani Kikwete amewataka viongozi hao kuzingatia sheria zilizopo, pamoja na Katiba na kanuni za chama hicho.