KAMPALA-Jeshi la Polisi mjini Kigogwa nchini Uganda limesema, watu 11 wakiwemo watoto wawili wamekufa baada ya lori la mafuta kupata ajali na kulipuka nchini humo.
(Picha na Badru Katumba / AFP).
Kwa mujibu wa vyombo vya habari nchini humo, Jeshi la Polisi limesema ajali hiyo ilitokea saa tisa alasiri Oktoba 22,2024 katika mji wa Kigogwa takribani kilomita 25 Kaskazini mwa mji mkuu wa Kampala.
Wamebainisha kuwa, baadhi ya miili iliharibiwa na moto huku ikishindwa kutambulika na majengo manne yakiteketezwa na moto huo.
Lori hilo lilikuwa likisafiri kutoka Kampala kwenda Gulu Kaskazini mwa Uganda, ambayo ni safari ya takribani kilomita 650 hadi kufika huko.