VIENNA-Balozi na Mwakilishi wa Kudumu wa Jamhuri ya Muungano wa Tanzania, Mashirika ya Umoja wa Mataifa jijini Vienna nchini Austria, Mheshimiwa Naimi Aziz amewasilisha Hati za Utambulisho kwa Mkurugenzi Mkuu wa Shirika la Nguvu za Atomiki Duniani (IAEA) Mhe. Rafael Mariano Grossi katika tukio lililofanyika tarehe 10 Oktoba, 2024.
Wakizungumza baada ya tukio la kukabidhi Hati, viongozi hao wamekubaliana kuendelea kuimarisha ushirikiano kati ya Tanzania na IAEA kwenye matumizi salama ya teknolojia ya nyuklia kwa ajili ya maendeleo ya sekta mbalimbali nchini hususan afya, kilimo na usalama wa chakula, afya, ufugaji na nishati.