DAR- Jeshi la Ulinzi la Wananchi wa Tanzania (JWTZ) linatoa taarifa kwa Umma kuwa heshima za mwisho kwa Mkuu wa Majeshi Mstaafu Jenerali David Bugozi Musuguri zitatolewa siku ya Ijumaa tarehe 01 Novemba,2024 katika Hospitali Kuu ya Jeshi Lugalo jijini Dar es Salaam kuanzia saa tatu Asubuhi (3:00).
Shughuli hiyo inatarajiwa kuongozwa na Naibu Waziri Mkuu Mhe. Dotto Mashaka Biteko.
Jenerali Musuguri aliyezaliwa tarehe 04 Januari, 1920 na kufariki dunia tarehe 29 Oktoba, 2024 atazikwa kwa heshima za Kijeshi nyumbani kwake Butiama mkoani Mara tarehe 04 Novemba, 2024.
Mungu ailaze roho ya Marehemu mahali Pema Peponi, Amina.
