DAR-Kamati ya Wasafi Festival 2024 imetangaza kusitisha kwa muda muendelezo wa Tamasha la Wasafi Festival 2024 ambalo lilikuwa linaendelea kwenye baadhi ya mikoa nchini kutokana na msiba wa Khadija Shaibu (Dida) uliotokea Oktoba 4, 2024 ili kutumia muda huu kuomboleza na kuyaenzi maisha ya Dida.
“Khadija Shaibu (Dida) alikua ni mmoja kati ya wadau wakubwa wa burudani sio tu redioni bali hata kwenye matamasha mbalimbali makubwa ya muziki na aliweza mara kadhaa kuandaa matamasha yake ya Muziki wa Taarabu katika maeneo tofauti tofauti nchini.”
