MBEYA-Kaimu Katibu Tawala wa Mkoa wa Mbeya, Bw. Emmanuel Kayuni, ametembelea banda la Benki Kuu ya Tanzania kwenye Maadhimisho ya Wiki ya Huduma za Fedha Kitaifa yanayofanyika katika uwanja wa Ruanda Nzovwe jijini Mbeya, kuanzia tarehe 21 hadi 26 Oktoba 2024.
Maadhimisho hayo yenye kauli mbiu “Elimu ya Fedha, Msingi wa Maendeleo ya Kiuchumi” yanatoa fursa kwa wananchi kujifunza kuhusu usimamizi wa fedha binafsi; uwekaji wa akiba; mikopo; uwekezaji katika dhamana za serikali; watoa huduma za fedha; usimamizi wa sekta ya fedha; mifumo ya malipo na namna BoT inawalinda watumiaji wa huduma za fedha.