DAR-Mtangazaji wa Wasafi FM, Khadija Shaibu maarufu kama Dida amefariki leo Oktoba 4,2024 katika Hospitali ya Taifa (Muhimbili) jijini Dar es Salaam alipokuwa akipatiwa matibabu.
Hayo ni kwa mujibu wa taarifa iliyotolewa na uongozi wa Wasafi Media. "Uongozi wa Wasafi Media Unasikitika Kutangaza Kifo Cha aliyekua Mtangazaji wa Kipindi Cha Mashamsham cha Wasafi FM Khadija Shaibu (Maarufu kama Dida).
"Dida atakumbukwa kwa Uhodari wake na Ubora wake Kwenye Tasnia ya Habari, Uliompelekea Kuwa Mtangazaji Namba Moja wa Kike Nchini na Kuwa Kioo kwa Wanawake na Watangazaji Wengi waliokua wanamtazama kama Mfano.
"Tunaungana na Ndugu , Jamaa na Marafiki Wote Kusheherekea Maisha Ya DIDA , Na Kuenzi Yale Mengi Mazuri aliyoyafanya Kwenye Jamii na Tasnia ya Uandishi wa Habari .
"Tunamuombea Mungu ailaze Roho yake Mahala Pema Peponi, Amen."