MOTISHA huongeza tija kazini. Katika kuhitimisha "Wiki ya Huduma kwa Mteja,"wafanyakazi wa Mfuko wa Hifadhi ya Jamii kwa Watumishi wa Umma (PSSSF), Kanda ya Kinondoni, Dar es Salaam, leo wamemtunuku, Askari wa Usalama Barabarani, Bw.Ashraf Shaaban,fedha taslimu, kiasi cha Shilingi 1,000,000.00 Milioni Moja) taslimu, kutokana na kuipenda kazi yake, akionesha bidii katika eneo lake la kazi, lugha nzuri kwa watumiaji wa barabara na ubunifu akiwa anaongoza magari na kuwasaidia raia waenda kwa miguu.
Askari wa Usalama Barabarani, Bw. Ashraf Shaaban, akikabidhiwa kitita cha Sh1m/- taslimu na PSSSF Kanda ya Kinondoni Dar es Salaam leo, kama motisha kwa kuonesha tija katika eneo lake la kazi. PSSSF imetoa hamasa hiyo kwa trafiki huyo katika kilele cha huduma kwa mteja.
*PSSSF daima iko na Wafanyakazi na Wastaafu wote wa umma, JANA, LEO NA KESHO.*