ZANZIBAR-Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi amewasili Pemba kushiriki maadhimisho ya Siku ya Wazee Duniani.
Katika Uwanja wa Ndege wa Pemba, Rais Dkt. Mwinyi akiwa na Mama Mariam Mwinyi , walipokelewa na Mkuu wa Mkoa wa Kusini Pemba, Mattar Zahor Masoud na viongozi mbalimbali wa Serikali, Chama Cha Mapinduzi na Vyombo vya Ulinzi na Usalama.
Dkt. Mwinyi atakuwa Mgeni Rasmi kwenye kilele cha maadhimisho ya siku wa Wazee duniani ambayo kwa Zanzibar yanaadhimishwa viwanja vya Tibirinzi, Wilaya ya Chake chake, Mkoa wa Kusini Pemba, leo tarehe 07 Oktoba, 2024.