GEITA-Rais wa Jamhuri ya Muungano wa Tanzania, Mhe. Dkt. Samia Suluhu Hassan, ametoa tuzo kwa Benki Kuu ya Tanzania (BoT) kwa kutambua juhudi na mafanikio yake katika utekelezaji wa jukumu la ununuzi wa madini ya dhahabu kutoka kwa wafanyabiashara na wachimbaji wa dhahabu nchini.
Tuzo hiyo imekabidhiwa kwa Gavana wa BoT, Bw. Emmanuel Tutuba, wakati wa ufungaji wa Maonesho ya 7 ya Kitaifa ya Teknolojia ya Madini yaliyofanyika katika Viwanja vya EPZA Bombambili, mkoani Geita, kuanzia Oktoba 3 hadi 13, 2024.