GEITA-Viongozi mbalimbali pamoja na wananchi wameendelea kutembelea banda la Benki Kuu ya Tanzania (BoT) kwenye Maonesho ya Saba ya Teknolojia ya Madini yanayofanyika katika viwanja vya Bombambili mkoani Geita.
Miongoni mwa viongozi hao ni pamoja na Waziri wa Madini, Mhe. Anothny Mavunde na Mkuu wa Mkoa wa Geita, Mhe. Martine Shigela.
Katika Maonesho hayo Benki Kuu inatoa elimu kwa umma kuhusu majukumu yake katika kusimamia ustawi wa Uchumi na maendeleo ya sekta ya fedha nchini.
Vilevile, wananchi wanaotembelea banda letu wanapata fursa ya kufahamu zaidi kuhusu mpango wa ununuzi wa dhahabu nchini wenye lengo la kuongeza akiba ya nchi ya fedha za kigeni na kuimarisha thamani ya shilingi yetu.