Wanafunzi wa TIA Kampasi ya Mbeya wapewa elimu ya utambuzi wa alama za usalama na utunzaji sahihi wa noti na sarafu za BoT

MBEYA-Wanafunzi kutoka Chuo cha Uhasibu Tanzania (TIA) Kampasi ya Mbeya, wametembelea banda la Benki Kuu ya Tanzania kwenye Maadhimisho ya Wiki ya Huduma za Fedha Kitaifa yanayofanyika katika uwanja wa Ruanda Nzovwe jijini Mbeya, kuanzia tarehe 21 hadi 26 Oktoba 2024.

Katika ziara hiyo, wamepata fursa ya kujifunza kwa vitendo kuhusu utambuzi wa alama za usalama katika noti za BoT pamoja na utunzaji sahihi wa noti na sarafu za Tanzania.