ZANZIBAR-Mkaguzi wa Polisi Shehia wa Shehia ya Pandani, Khalfan Ali Ussi amekabidhi kiti mwendo (wheelchair) kwa, Bi. Hijra Khalifa mwenye ulemavu wa miguu mkaazi wa Kijiji cha kwa Mwewe kilichopo Shehia ya Pandani, Wilaya ya Wete Mkoa wa Kaskazini Pemba.
Mkaguzi huyo ametoa kiti hicho ikiwa ni kutimiza ahadi yake aliyoitoa kwa, Bi. Hijra ya kumpatia kiti hicho mapema mwaka huu ikiwa ni muendelezo wa kampeni yake ya nyumba kwa nyumba inayolenga kuzipatia ufumbuzi changamoto za kijamii ndani ya shehia hiyo.