DAR-(Novemba 16, 2024)-Wakala wa Usajili wa Biashara na Leseni (BRELA) inapenda kuutaarifu umma na wadau wote kuwa Mfumo wake wa Usajili kwa njia ya Mtandao (ORS) umepata changamoto ambazo zinakwamisha upatikanaji wa huduma zake kwa ufanisi unaotarajiwa.
Mfumo wa ORS umeunganishwa na Mifumo mingine ya Serikali ili kufanikisha sajili zake kwa njia ya mtandao.
Inapotokea hitilafu katika moja wapo ya Mifumo ambayo ORS inaitegemea huathiri Mfumo wa usajili, hivyo kushindwa kuhudumia wateja wake kwa ufanisi.
BRELA inawahikishia kwamba wataalam wanaendelea na jitihada za kutatuachangamoto hizo ili kurejesha upatikanaji wa huduma kwa ufanisi.
Wakala inaomba radhi kwa wateja wote kwa changamoto wanazozipata katika kupata huduma zake.
