SONGWE-Watu saba wamefariki dunia baada ya bajaji yenye namba za usajili MC 783 DUF waliyokuwa wakisafiria kugongana uso kwa uso na lori aina ya Scania lenye namba T 958 BCS eneo la Mpemba, Tunduma wilayani Momba mkoani Songwe.
Kamanda wa Polisi Mkoa wa Songwe, Kamishna Msaidizi Mwandamizi,SACP Augustine Senga, alisema ajali hiyo ilitokea juzi saa 3:15 usiku, wakati dereva wa bajaji akijaribu kuyapita magari mengine yaliyokuwa mbele yake.
Alisema,dereva wa bajaji hiyo, Emmanuel Hakimu, ambaye ni mmoja wa watu saba waliofariki dunia katika ajali hiyo alikuwa akitokea eneo la Mpemba kwenda mjini Tunduma.Watu watano walifariki dunia papo hapo na wengine wawili akiwemo mtoto wa miaka miwili, Isack Mambwe walifariki dunia wakati wakipatiwa matibabu.
Kamanda Senga aliwataja wengine waliofariki dunia kuwa ni Rehema Christopher (25) mkazi wa Msongwa, Festo Mambwe (57) mkazi wa Mbeya, Rosemary Njema (44) mkazi wa Ipito mjini Tunduma na Milembe Siyantemi (36) mkazi wa Kapele wilayani Momba.
Tags
Kurasa za Magazeti
Kurasa za Mbele na Nyuma za Magazeti
Magazeti
Magazeti ya Leo
Magazetini
Magazetini leo
Yaliyojiri Magazetini Leo