DAR-Msanii wa Bongo Fleva kutoka Wasafi, Zuhura Othman maarufu kama Zuchu ametangaza kwamba yeye na mwanamuziki mwenza wake, Diamond Platnumz wameamua kuachana rasmi.
Zuchu ameandika hayo kwenye akaunti yake ya Instagram na imethibitishwa na Wasafi Media inayomilikiwa na Diamond Platnumz kwa kuchapisha pia kwenye akaunti zake za mitandao ya kijamii.
“Baada ya miaka mitatu ya kuwa kwenye mahusiano mimi na Nasib (Diamond Platnumz) tumeamua Kuachana Rasmi!” aliandika Zuchu huku akisema kwamba yeye na Diamond walikubaliana kuachana.
“Tuna kazi ya pamoja ambayo tumefanya, hivyo msije kushangaa itakapoachiwa.
“Pia nawaomba watu wangu muendelee kuniunga mkono ikiwa sasa mwelekeo wangu ni kujiponya majeraha ya mapenzi.”
