DODOMA-Rais wa Jamhuri ya Muungano wa Tanzania, Mheshimiwa Dkt.Samia Suluhu Hassan amefanya uteuzi wa viongozi mbalimbali ambapo amemteua Profesa David Mwakyusa kuwa Mkuu wa Chuo Kikuu cha Afya na Sayansi Shirikishi Muhimbili (MUHAS).
Hayo ni kwa mujibu wa taarifa iliyotolewa leo Novemba 27,2024 na Mkurugenzi wa Mawasiliano ya Rais Ikulu,Sharifa Nyanga.
Pia,amemteua Mkuu wa Jeshi la Polisi mstaafu Said Mwema kuwa Mwenyekiti wa Bodi ya Kampuni ya Magazeti ya Serikali Tanzania (TSN).
IGP mstaafu Mwema anachukua nafasi ya Hab Mkwizu ambaye amemaliza muda wake.
Mhandisi Mussa Natty, yeye ameteuliwa na Rais Samia Suluhu Hassan kuwa Mwenyekiti wa Bodi ya Mfuko wa Barabara (RFB).
Mhandisi Natty anachukua nafasi ya Joseph Haule ambaye amemaliza muda wake.
