NA DIRAMAKINI
SIMBA Sports Club na Young Africans Sports Club ni miongoni mwa klabu zilizoondolewa katika kinyang’anyiro cha kuwania Tuzo ya Klabu Bora barani Afrika.
Mbali na vilabu hivyo, vingine vilivyoondolewa ni Dreams FC, Petro Atletico na TP Mazembe kutoka Jamhuri ya Kidemokrasia ya Congo.
Hayo ni kwa mujibu wa orodha iliyotolewa na Shirikisho la Soka barani Afrika (CAF) baada ya mchujo huku vilabu vitano vikisalia.
Aidha,baada ya mchujo wa vilabu 10, sasa vimebakia vilabu vitano ambavyo ni AL Ahly, Zamalek FC ya Misri.
Nyingine ni RS Berkane ya Morocco, Mamelodi Sundowns ya Afrika Kusini na Esperance De Tunis ya Tunisia.