DAR-Klabu ya Simba imetoa nyota watano ambao ni miongoni mwa wachezaji 26 walioitwa na Kocha Hemed Morocco kwa ajili ya mchezo wa kufuzu fainali za Afrika (AFCON) dhidi ya Ethiopia na Guinea.
Taifa Stars ina mechi mbili muhimu ambazo ikishinda itajihakikishia tiketi ya kushiriki michuano ya AFCON ambayo itafanyika nchini Morocco mwezi Januari,2025.
Nyota hao walioitwa ni mlinda mlango Aishi Manula, walinzi Shomari Kapombe, Mohamed Hussein ‘Zimbwe Jr’ na Abdulrazack Hamza.
Mwingine aliyejumuishwa kwenye kikosi hicho akiwa ni kiungo mshambuliaji, Kibu Denis.
Kikosi cha Stars kinaingia kambini kujiandaa na mechi hizo ambapo ya kwanza itakuwa ugenini dhidi ya Ethiopia Novemba 16,2024 na kumaliza nyumbani dhidi ya Guinea Novemba 19,2024.