NA DIRAMAKINI
SIMBA Sports Club ya jijini Dar es Salaam imeendelea kuonesha makucha yake, baada ya kuichapa Pamba Jiji FC bao 1-0 hivyo kujikusanyia alama tatu muhimu.
Ni kupitia mchezo wa Ligi Kuu ya NBC Tanzania Bara dhidi ya Pamba Jiji uliopigwa katika Uwanja wa CCM Kirumba jijini Mwanza.
Mchezo huo umepigwa Novemba 22,2024 ikiwa ni siku moja baada ya wageni hao kufanyiwa vurugu wakati wakifanya mazoezi.
Katika mchezo huo, Simba SC walianza kwa kasi huku wakifanya mashambulizi mengi langoni mwa Pamba Jiji FC ambao muda mwingi walikuwa nyuma.
Aidha,Leonel Ateba aliwapatia bao la kwanza dakika ya 22 kwa mkwaju wa penati baada ya yeye mwenyewe kufanyiwa madhambi ndani ya 18 na mlinzi wa kati Christopher Oruchum.
Kipindi cha pili Pamba Jiji FC walitoka nyuma na kuanza kufanya mashambulizi, lakini Simba Sports Club walionesha uhodari.
Hata hivyo,ushindi huo umeifanya Simba kufikisha alama 28 baada ya kucheza mechi 11 wakiwa kileleni mwa msimamo wa Ligi Kuu ya NBC.
Tazama msimamo wa Ligi Kuu ya NBC tarehe 22 Novemba,2024;
