SINGIDA-Bodi ya Wakurugenzi ya Singida Black Stars imethibitisha kufikia uamuzi wa kumsimamisha kazi Kocha Patrick Aussems pamoja na msaidizi wake, Denis Kitambi kuanzia leo Novemba 25, 2024.
Hayo ni kwa mujibu wa taarifa iliyotolewa na Singida Black Stars anbayo inasema uamuzi huo unatokana na mwenendo usioridhisha wa timu katika mechi tatu mfululizo.
Ni, licha ya jitihada zote kufanyika kutoka kwa uongozi wa klabu kwa ajili ya benchi la ufundi.
Aidha,timu sasa itakuwa chini ya Mkurugenzi wa Ufundi, Ramadhani Nsanzurwimo kama kocha mkuu na Muhibu Kanu kama Kocha msaidizi.
Leo Novemba 25,2024 Singida Black Stars walicheza na Tabora United na kutoka sare ya bao mbili kwa mbili katika michuano ya Ligi Kuu ya NBC Tanzania Bara.
